Siglir tar il cuntegn

Header

Il posessur da Sigi's Burger Omero Colloca
Legenda: Omero Colloca Il posessur da Sigi's Burger RTR, Carin Caduff
cuntegn

Züri Fäscht Burgers e musica da Cuira per ils da Turitg

A Turitg è Züri Fäscht: La pli gronda festa populara da la Svizra dura da venderdi fin dumengia suentermezdi. Er intgins gastronoms giuvens da Cuira han chattà la via a Turitg – dentant betg sco visitaders, ma sco giastaders.

Avant dus onns al Churerfescht 2017 è Omero Colloca (36) stà preschent per l'emprima giada sco giastader cun Sigi's Burger. L'idea da far agens burgers è naschida perquai che Omero Colloca era da l'opiniun che Cuira haja en chaussa «Burgers» pauc da porscher:

Cunquai ch'i na deva betg buns burgers a Cuira, hai jau savì – u che jau ma grittentesch u che jau fatsch sez insatge.
Autur: Omero Collocapossessur da Sigi's Burger

Uschia ha Omero Colloca cumenzà pass per pass da bajegiar si ses Sigi's Burger. Emprendì da cuschinar ha el da ses tat Sigi – e perquai ha num sia pitschna fatschenta «Sigi's Burger.

Al Züri Fäscht n'è el dentant betg il sulet giastader da Cuira: Rinforzà vegn la preschientscha culinarica grischuna da team da Jung-Gastro. Quai è in'uniun, ch'è vegnida fundada da persunas giuvnas, che lavuran en la gastronomia a Cuira. Sco uniun van els ensemen cun ina bar a differents eveniments. Per il Züri Fäscht e per la festa da Cuira, «il Churerfescht», sa metta l'uniun ensemen cun Omero Colloca da Sigi's Burger:

Per ch'i na dettia betg «be» da baiver e mangiar tar nus, avain nus anc organisà dus DJ's per il Züri Fäscht. Uschia ch'i na dess mancar vi da nagut als giasts.
Autur: Omero CollocaPossessur da "Sigi's Burger"

RR actualitad 07:20