Avant che las portas da la nova praschun Zürich West vegnan avertas – respectiv serradas – l'avrigl, duai dar in test d'andament. Cun persunas voluntarias vul la praschun testar ils process, avant che quellas e quels arrivan ch’en betg là voluntarmain.
Da mangiar datti schon auter che mo aua e paun.
Per far part al test ston ins esser almain 18 onns ed abitar en il chantun Turitg. Latiers fa la polizia anc in check da la persuna avant ch'ins po entrar en praschun per il andament da test.
Ils apparats electronics na pon ins betg prender en la cella.
L'interess è grond. Mintga pèr minutas entran novas annunzias per ir en praschun. Fin ils 13 da favrer pon ins anc registrar. Pervi da las bleras annunzias survegnan mo paucs la schanza da pudair sa participar. L'andament da test ha lieu dals 24 enfin ils 27 da mars. La praschun vegn averta ils 4 d'avrigl 2022.