Siglir tar il cuntegn

Svizra Herbert Scheidt il nov president dals banchiers

Il cussegl d’administraziun da l’Associaziun da banchiers ha elegì Herbert Scheidt sco nov president. L’um da 65 onns succeda a Patrick Odier che banduna l’associaziun suenter 7 onns sco president sin ils 15 da settember.

purtret da Herbert Scheidt
Legenda: Herbert Scheidt, il nov president dals banchiers en Svizra. Keystone

Herbert Scheidt è dapi il 2011 il president da la banca Vontobel da Turitg. Quest mandat veglia Scheidt cuntinuar parallel cun il presidi da l'associaziun, uschia communitgescha l'Associaziun da banchiers.

Odier era gia sa decidi l’avrigl da betg pli star a disposiziun per ina reelecziun. Uschia va era a fin in'èra tar l’associaziun dals banchiers. En l’istorgia da 104 onns da l’associaziun era fin qua adina in banchier privat da Basilea u da Genevra a la testa da l’associaziun.

RR novitads 18:00