Siglir tar il cuntegn

Header

cuntegn

Svizra Hero augmenta gudogn per 1,6 milliuns francs

Il concern da mangiativas Hero ha gudagnà dapli l'onn passà. Sut il stritg ha Hero fatg in gudogn da 73 milliuns francs, 1,6 milliuns dapli che l'onn avant.

Il producent da confitura, nutriment da pops e bastunets da graunins Hero dal chantun Argovia ha tranter auter profità da restituziuns d'assicuranza per problems da qualitad en ils Stadis Unids.

Bastunet da graunins e nusch

Cun ils products da marca ha il concern Hero da Lenzburg pudì crescher per 3,8%. Il segment confitura – che fa ora in tschintgavel da la svieuta – è grazia ina acquisiziun en la Brasilia mitgà d’ina stagnaziun.

Creschì è en mintga cas il segment snacks sanadaivels cun graunins, fritgs e nuschs. La svieuta è creschida qua per 15,2%. Il grond hit era oravant tut la marca Corny ch’è fitg preschenta en la Germania.

RR novitads 09:00

Artitgels legids il pli savens