Il stemprà Herwart ha buffà sur la Svizra e sur plirs pajais europeics cun spertadads enormas. Sin il Crap Masegn han ins mesirà oz la damaun spertadads da vent da 146 kilometers l'ura, en il Valais 124 kilometers l'ura, quai annunzia SRF Meteo.
Sin la lingia da viafier dal Bernina han plantas derschidas impedì il traffic. Tranter San Murezzan e Puntraschigna èn la dumengia cursà bus per remplazzar ils trens. Oz glindesdi curseschan ils trens puspè tenor urari.
Sditga da las cursas da skis Sölden
L'orcan furia en las alps. Quai haja manà tar la sditga da las cursas dal slalom gigant dal umens a Sölden.
Il stemprà Herwart ha procurà per gronds donns questa fin d'emna en l'Europa. En Pologna ed en Tschechia han almain trais persunas pers la vita. Da la Germania vegnan annunziads trais morts e sis blessads.
En Tschechia èn tschientmillis chasadas senza electricitad. En Germania ha surtut la viafier gì da cumbatter cun il stemprà. Bleras lingias vegnan pir oz puspè avertas, ha cummitgà la Deutsche Bahn.
RR novitads 11:00+