L’incendi en la baselgia refurmada da Herzogenbuchsee en il chantun Berna ha fatg donns considerabels. Tenor emprimas stimaziuns hai dà donns da passa in milliun francs. Entant è il fieu stizzà. Parts dal clutger èn sbalunads ed han donnegià il tetg da la nav da baselgia. Tenor la Polizia chantunala bernaisa n’hai dà nagins blessads.
Gist dus fieus
L'emprim incendi era rut or mardi en damaun. Daco n’è anc betg cler. Suenter ch’ils pumpiers han survegnì sut controllas las flommas enturn mezdi, èn quellas puspè ruttas or la saira. Per motivs da segirezza èn duas chasas vischinantas vegnidas evacuadas.
video
Pumpiers en acziun a Herzogenbuchsee
Or da News-Clip dals 25.12.2019.
laschar ir. Durada: 39 Secundas.
RR novitads 06:00