Siglir tar il cuntegn
cuntegn

Svizra Holcim venda participaziun da Siam City Cement

Il concern da cement svizzer Holcim venda sia participaziun da la firma tailandaisa Siam City Cement.

chars da beton da holcim
Legenda: Tenor Holcim vegn il retgav da la transacziun duvrà per intents generals dal concern. Keystone

Il pretsch da vendita per sia participaziun da 27,5% muntia a 655 milliuns francs, communitgescha Holcim.

La gronda part haja surpiglià in concern chinais, il rest da las aczias hajan cumprà investiders instituziunals.

Il retgav da la transacziun vegnia duvrà per intents generals dal concern, uschia Holcim. Siam City Cement ha fatg l’onn 2014 ina svieuta da bun 940 milliuns francs ed ha ina capacitad da products da 14,5 milliuns tonnas cement. Passa 4’000 persunas èn emploiadas tar la firma da cement.

RR novitads 8:00