Uschia han lavurà ill 2019 bun 34% da las persunas en il homeoffice. Da quai 5% adina, 14% regularmain e 15% mintgatant. Er mussan las cifras che la mesadad da las persunas che lavuran, han temps da lavur flexibels. I dettia però ina differenza tranter um e dunna. Entant che passa 50% dals umens pon parter en il temp da lavur flexibel èn quai in zic dapli che 40% tar las dunnas.
Sonda e dumengia vegn er lavurà. Uschia inditgescha mintga tschintgavla persuna dad avair lavurà l'onn passà regularmain er la sonda. Mintga 10avla persuna la dumengia.
L'Uffizi federal da statistica ha inditgà ch'ins veglia publitgar il settember las cifras da l'emprim mez on 2020. Quai per pudair guardar co la crisa da corona ha influenzà il mintgadi da lavur.