Il Cussegl federal vul ina schliaziun transitorica per ils perscrutaders svizzers che na pon betg participar a l'entir program da scienza europeic «Horizon Europe». La Svizra vala tar quest program sco pajais betg associà.
Ils perscrutaders pon sa participar als projects da cuminanza, ma betg inoltrar projects individuals. Ils projects da cuminanza en finanziads dal Secretariat da stadi per furmaziun, retschertga ed innovaziun e betg da la Cummissiun europeica.
Il Departament federal d'economia, furmaziun e retschertga (WBF) incumbensescha il fond naziunal da porscher soluziuns transitoricas. I duajan s'orientar vid las concurrenzas europeicas, ma cun agens termins per inoltrar projects.
Il WBF vegn ad instradar ulteriuras mesiras transitoricas tar Innosuisse, tar l'Agenzia spaziala europeica ESA ed ulteriurs exponents.
Il parlament sto approvar la decisiun en la sessiun d'enviern.