Cunvegna da basa, bilateralas, perscrutaziun, bursa - bleras dumondas en las relaziuns futuras tranter la Svizra e l'Uniun Europeica èn avertas. Uss tuni in zic pli optimistic dal cumissari da l'UE Johannes Hahn. A l'adressa dals perscrutaders svizzers confus ed a las universitads di el: L'associaziun cumplaina a "Horizon Europe" na saja, auter che tar l'equivalenza da la bursa, betg dependenta d'ina cunvegna da basa. Pertutgant ina cunvegna na vegnia Brüssel far nagin squitsch da temp.
Johannes Hahn è dapi l'entschatta december 2019 cumissari da l'UE per tegnairchasa ed administraziun en la cumissiun da la presidenta von der Leyen. Dapi il 2014 è er stà cumissari da l'UE per politica persistenta europeica e contractivas d'expansiun en la cumissiun Juncker. Anc avant è l'anteriur minister austriac stà cumissari da l'UE per la politica regiunala en la cumissiun Barroso.
Per tadlar curt e concis:
RTR novitads 17:00