L'hotellaria svizra quinta questa stad cun pli paucs giasts da l'America e l'Asia. Quai scriva la «Sonntagszeitung» sin basa d'ina enquista da Hotelleriesuisse tar ses commembers.
Il motiv principal saja la guerra en l'Ucraina. Ils giasts da surmar na fetschian betg ina differenza dals stadis en l'Europa, mabain eviteschian en general il continent. 50% dals hotels quinta era cun pli paucs giasts or da l'Europa. Tuttina ha la mesadad dals hotels svizzers auzà ils precis, cumpareglià cun l'onn passà. Ils custs pli auts per energia e maglias èn per blers hotels il motiv principal.
Per in terz dals manaschis sajan ils custs da persunal il problem. Entras la muncanza da persunal dal fatg pudess gliez en il futur punct anc vegnir pli impurtant.