A l'entschatta da la pandemia èn numerusas pazientas e pazients da Covid-19 vegnids tractads cun il medicament da malaria Hydroxychloroquin. Uss conferma in studi quai ch'è vegnì supponì dapi in temp. Il med n'ha nagin effect en connex cun la malsogna dal pulmun.
Quai communitgescha l'universitad da Neuchâtel, suenter che perscrutaders han evaluà 29 studis cun total 33'000 pazientas e pazients. Il ristg da mort da pazients resta exact tuttina grond, cun u senza in tractament cun Hydroxychloroquin.