Svizra - «I dovra chaus ord l'economia per la politica»
La politica svizra dovra dapli interprendiders che s'engaschan. Quai manegia l'anteriur president d' economiesuisse e da la PLD - Gerold Bührer. Associaziuns economicas sajan impurtantas, ellas na remplazzian dentant betg ils interprendiders, ha ditg Bührer en in'intervista cun radio SRF.
L'economia haja tralaschà da procurar ch'interprendiders s'engaschian en l'arena politica, uschia di Bührer.
Gerold Bührer
Avrir la boxSerrar la box
Dal 2006 fin il 2012 era Bührer (68) president d'econoiesuisse, l'uniun tetgala da l'economia. Dal 1991 fin il 2007 è el stà cusseglier naziunal da Schaffusa e dal 2001 fin il 2002 president da la PLD Svizra.
Jau crai ch'igl è ina chaussa da la veglia. En mes cas han ins stgaffì las premissas organisatoricas per dar temp a mai per mes engaschi politic. Quai è pussaivel en ina firma gronda.