«I dovra ina ferma e stabila AVS»

En ses pled ad Aarau ha il cusseglier federal Alain Berset punctuà il basegn da l'assicuranza. El ha però fatg attent che la prevenziun per la vegliadetgna stoppia s’adattar al svilup demografic.

Manifestaziun d'emprim da matg sin la plazza da teater a Cuira, ins vesa transparents da l'UNIA e la SGB Bild in Lightbox öffnen.

Legenda da maletgs: Er a Cuira datti ina manifestaziun d'emprim da matg RTR, S. Carisch

Giorgio Tuti dal Sindicat dal persunal dals transports ha crititgà ad in'occurrenza a Berna ils uschenumnads exercizis da spargn dals burgais. Quels giajan sin donn e cust da las famiglias, da la giuventetgna e dals pensiunads.

Finamira da la festa d'emprim da matg 2016

Ils sindicats vulan «bittar sablun en ils motors da la demontascha sociala e svidar ieli en il motor da giustia». Quai ha l'Uniun sindicala svizra (SGB) scrit sin sia pagina d'internet. Per far quai han els tschernì il motto: «Cumbatter ensemen per ina AVS ferma».

I na va betg mo per l'assicuranza

Tenor l'Uniun sindicala svizra SGB na va i qua betg mo per l'AVS. En in temp cura ch'ils patruns da lavur profitian dal ferm franc svizzer per stritgar numerusas plazzas da lavur e cura ch'il foss tranter ritgs e povers daventia adina pli grond, stoppian ins cumbatter ensemen - per la dignitad, per la giustia sociala, per la lavur e bunas cundiziuns da lavur.

Manifestaziuns en l'entira Svizra

En 20 chantuns datti oz tenor la SGB radund 60 manifestaziuns sut quest motto. Planisads èn cortegis tradiziunals, spassegiadas, girs, referats, poetry slams ed er concerts. A la festa ad Aarau fa il Cusseglier federal Alain Berset in pled e sia collega da partida e d'uffizi Simonetta Sommaruga fa ina visita al ospital chantunal a Winterthur.

RR novitads 6:00/17:00