I duai ir ensi puspè – Cussegl federal vul gidar al turissem

La Svizra duai vegnir pli attractiva e pli cumpetitiva per il turissem. Per cuntanscher quai ha il Cussegl federal deliberà la mesemna ina strategia federala nova, rapporta l'agentura da novitads svizra SDA.

Stgabellera. Bild in Lightbox öffnen.

Legenda da maletgs: I duai ir ensi puspè – il turissem svizzer duai survegnir sustegn da la nova strategia da turissem federala. Keystone

Las sfidas pli grondas sajan las cundiziuns da basa e la digitalisaziun, ha il Cussegl federal communitgà.

Meglierar cun reducir regulaziuns

Las cundiziuns da basa vul il Cussegl federal meglierar tranter auter cun reducir las regulaziuns ed ils proceders sin stgalim federal. Vitiers vul la regenza svizra er, che l'industria da turissem possia nizzegiar optimalmain las schanzas da la digitalisaziun. Il cumportament da viagiar è sa midà e quai pretendia in cler focus ed in marketing precis, scriva il Cussegl federal en sia strategia.

Turissem è sa midà «drasticamain»

La strategia nova remplazza quella dal 2010. Dapi lura haja il turissem sa midà «drasticamain», argumentescha il Cussegl federal. La posiziun ferma dal franc svizzer e la digitalisaziun hajan bullà il turissem. Fertant che las regiuns urbanas èn sa sviluppadas da maniera positiva, haja il spazi rural-alpin perdì marcantamain.

RR novitads 15:00