Siglir tar il cuntegn
cuntegn

Svizra I vegn chaud – il Cussegl naziunal debattescha dal CO2

Durant dus dis debattescha il Cussegl naziunal co far reducir a la Svizra las emissiuns da CO2. Quant fitg e cun tgeninas mesiras che quai duai succeder vegn discutà en il rom da la revisiun totala da la lescha CO2. L'agentura da novitads SDA rapporta.

Chasa federala cun in zic fim.
Legenda: Emissiuns da CO2 en il focus: A Berna na fima betg be il stgaudament da la Chasa federala ma er ils chaus en il parlament fiman. Keystone

Suenter la stad da chaliras segua uss la gronda debatta dal clima. il glindesdi e mardi vegn il Cussegl naziunal a decider quant ferm e cun tgeninas mesiras che la Svizra vul reducir las emissiuns da gas da serra.

Las posiziuns per ir en la debatta èn cleras

Il Cussegl federal vul ademplir las obligaziuns che derivan da la cunvegna dal clima da Paris e fixar la politica dal clima per ils onns suenter il 2020. La PPS per cunter na vul insumma betg entrar en discussiun ed ils Verds vulan ina proposta pli severa dal Cussegl federal.

Sch'il cussegl segua a la proposta da sia cumissiun entra el en il project e cumenza da debattar detagliadamain.

RR actualitad 17:00