Dal fanadur fin il settember sajan las svieutas creschidas per prest 11% sin 5,7 milliardas francs, cumpareglià cun il medem quartal da l’onn passà. Quai communitgescha l'Associaziun svizra dals impressaris. Cunquai è il tempo da creschientscha s'augmentà cleramain. L'emprim mez onn aveva la branscha anc nudà ina creschientscha da radund 5%.
Il motor è la construcziun bassa
Cunzunt procura per quest svilup positiv ha la construcziun bassa cun in plus da bunamain 15% tar las svieutas. La construcziun auta noda in plus main spectacular da 6,5%.
Anc èn las vistas bunas.
Ils signals per il futur da la branscha da construcziun èn tenor ils impressaris svizzers anc adina buns. Damai che la quota d’abitaziuns betg affittadas crescha, vesa l'Associaziun svizra dals impressaris era il ristg che la construcziun da chasas da pliras abitaziuns stagnescha pli sever.
RR novitads 11:00