Il suveran svizzer è clamà quest onn per l'emprima giada a l'urna. Sin nivel federal vegn decis davart duas iniziativas che stattan en connex cun il provediment da vegliadetgna.
- L'iniziativa da rentas vul che la vegliadetgna da renta per umens e dunnas vegn augmentada pass per pass sin 66 onns enfin il 2033 e suenter adattada a l'aspectativa da vita.
- L'iniziativa per ina 13avla renta da l'AVS pretenda ina 13avla renta per segirar meglier il minimum d'existenza suenter la pensiun.
Elecziuns e votaziuns
En diversas vischnancas datti decisiuns communalas. Uschia tschertga Landquart in nov president communal – per quest post datti dus candidats, numnadamain Martin Heim (PPS) ed Andreas Thöny (PS). Sper quai datti en diversas vischnancas decisiuns a l'urna, uschia per exempel a Cuira nua ch'i va per l'iniziativa da clima ed ina cuntraproposta a quella. Domat decida davart ina nova constituziun communala ed a Flem vai per reveder la planisaziun locala per far sendas da bike.
