Siglir tar il cuntegn

Header

cuntegn

Identitad da requirents d'asil Confederaziun duai dastgar evaluar datas da telefonin

Blers requirents d'asil na pon betg cumprovar lur identitad cun documents. Uss duai vegnir stgaffida la basa legala per evaluar telefonins e tablets dals requirents per uschia examinar sistematicamain lur identitad.

En l'avegnir duai il Secretariat da stadi per la migraziun pudair controllar telefonins e tablets da requirents d'asil per examinar lur identitad. La Cumissiun da politica statala dal Cussegl naziunal ha tramess ina midada da la lescha d'asil en consultaziun.

Avant avevan domaduas chombras parlamentaras approvà in'intervenziun ord las retschas da la PPS. Tenor la Confederaziun na pon fin ad 80% dals requirents d'asil en Svizra betg cumprovar lur identitad cun documents.

Pajais sco la Germania, il Danemarc e la Finlanda evalueschan gia oz sistematicamain datas da telefonins e laptops per examinar las identitads da requirents d'asil. La cumissiun dal Cussegl naziunal vesa naginas raschuns, pertge che quai na duai betg er esser pussaivel en Svizra.

Ord l'archiv da SRF:

Video
Evaluar datas da telefonin da requirents d'asil
Or da Tagesschau dals 16.08.2019.
laschar ir

RTR novitads 15:00

Artitgels legì il pli savens

Nach links scrollen Nach rechts scrollen