Siglir tar il cuntegn

Header

Navigaziun

Logo verdliberals.
Legenda: La partida verdliberala vul crescher quest atun. Keystone
cuntegn

«Igl è temp» Verdliberals fixeschan lur finamiras per las elecziuns

Dasper almain 10 sezs en il Cussegl naziunal, vul la partida verdliberala era turnar en il Cussegl dals chantuns e cuntanscher ina quota d’electurs da 7%.

En il cumbat electoral da l’atun van ils verdliberals cun il motto «Igl è temp». Quai cuntegnia la protecziun da l’ambient e dal clima, ina Svizra averta e liberala sco era concurrenza ed innovaziun. Il glindesdi ha la partida preschentà sias tematicas.

Il president da partida Jürg Grossen è sa mussà optimistic avant las medias. Suenter las grondas perditas il 2015 haja la partida verdliberala fatg enavant en plirs chantuns. Ed era ils dumbers da commembers s’augmentian.

Plirs chantuns cun potenzial

Las pli grondas schanzas da crescher vesa Jürg Grossen per sia partida en ils chantuns Turitg, Son Gagl, Turgovia, Lucerna e Vad. Finamira a lunga vista saja d’esser pront per in sez en il Cussegl federal.

RR novitads 11:00