Svizra - IKEA vul porscher programs da praticums per migrants
L'economia svizra ha sco i para scuvert fugitivs sco forzas da lavur. Tenor la NZZ am Sonntag vul per exempel l'IKEA porscher il proxim mez onn programs da praticums per migrants.
Ins veglia cumenzar cun mintgamai dus plazs en mintgin dals 9 centers svizzers. Quest dumber duai dentant vegnir augmentà cun il temp. Tut tenor qualificaziun ed enconuschientschas da lingua possian ils migrants vegnir occupads en la logistica ed en la vendita, uschia in pledader dad IKEA.
