Siglir tar il cuntegn
cuntegn

Svizra IKRK encamina novas vias cun far «crowdfunding»

Il comité internaziunal da la Crusch Cotschna ha lantschà per l’emprima giada en sia istorgia in’ uschènumnada campagna da «crowdfunding». El vul damai laschar sustegnair in project concret da blera glieud.

uffant pitschen sin la maisa da tractament tar in medi
Legenda: La Crusch cotschna vul gidar als uffants en il Pakistan (maletg simbolic). Keystone

En il Pakistan duain vegnir tgirads 400 pops, ch’èn naschids cun in pe crutsch.
Ils daners necessaris (98'000 dollars) per far quai, vul la Crusch Cotschna rimnar sur ina pagina d’internet per il «crowdfunding». Sin questa pagina pon ils donaturs persequitar il project e guardar co ch’ils daners vegnan duvrads.

In pe crutsch po vegnir curà gia en las emprimas emnas da viver, scriva la Crusch cotschna. Ils geniturs da blers dals 6'000 fin 7'000 pops che naschan en il Pakistan cun in pe crutsch (Klumpfuss) na pon betg pajar il tractament cun stgainas e chalzers spezials.

L’IKRK ha in budget annual da passa 2 milliardas francs. La gronda part vegn da regenzas ed organisaziuns. Ulteriurs dus projects èn planisads: en il Libanon vul la Crusch cotschna cumprar trais bus per pudair transportar uffants impedids ed en il Cambodscha duai dar in tetg sur la plazza da trenament da l'equipa da dunnas dal basketball cun sutga da roda.

RR novitads 09:00