En il futur duain aviuns era pudair partir en direcziun sid agradora sch'i ha brentina u bisa. La brentina e la bisa èn la pli gronda sfida per il traffic aviatic a Turitg. Sch'ils aviuns san lura partir da la pista vers sid agradora sche vegnia la situaziun pli segira per ils aviuns.
Ultra da quai duain ulteriuras pistas vegnir pli lungas. Las pistas cun numer 28 e 32 èn gia en lavur per vegnir prolungadas. Cun la prolungaziun da la pista 28 da 2500m sin 2900m pon aviuns da tut ils tips sa tschentar era sut cundiziuns difficilas. Per exempel sche las pistas èn bletschas u sch'ils aviuns han bler vent da davos.
Aviuns che sgolan lungas distanzas stoppian savens guntgir sin la pista dal sid. Quai procuria ch'il traffic al plaun da la plazza aviatica vegnia pli cumplex. Cun la prolungaziun da las autras pistas sappia vegnir evità puncts da cruschada al plaun.
RR novitads 10:00