Siglir tar il cuntegn

Header

cuntegn

Svizra Il bloc 2 da l'ovra atomara Beznau dastga puspè ir vi da la rait

Il bloc 2 da l'ovra atomara da Beznau en il chantun Argovia po puspè vegnir mess en funcziun. Quai ha communitgà il concern d'energia Axpo.

Pervi da lavurs da renovaziun avevan ils responsabels prendì il reactur giud la rait l'avust. Questas lavurs sajan uss terminadas sco planisà. Ellas èn vegnidas survegliadas da l'inspecturat federal da la segirezza nucleara ENSI.

Bloc 1 anc resta en revisiun

Il bloc 1 da Beznau resta però vinavant en revisiun pervi da defects da material. El na vegn betg prendì en funcziun avant la fin da fanadur 2016.

RR novitads 16:00

Artitgels legids il pli savens