Il caricaturist ‘Mix & Remix’ è mort

Il caricaturist da la Svizra franzosa Philippe Becquelin alias ‘Mix & Remix’ è mort en la vegliadetgna da 58 onns. Blers onns han las medias da la Svizra franzosa e revistas internaziunalas publitgà ses dissegns.

Il caricaturist 'Mix & Remix' barmier Bild in Lightbox öffnen.

Legenda da maletgs: ‘Mix & Remix’ durant ina conferenza da medias avant var dus onns. Keystone

Ses cumbat decidì cunter il cancer da la charn morta saja terminà, ha dà enconuschent la famiglia da ‘Mix & Remix’ sin las raits socialas. El saja vegnì enconuschent entras sias observaziuns umoristicas da l'actualitad ch'el haja adina pudì metter sin il punct, scriva l’agentura da novitads sda.

Ina caricatura da ‘Mix & Remix’ Avrir maletg en lightbox.

Legenda da maletgs: Ina caricatura da ‘Mix & Remix’, exponida l’onn 2004. Keystone

Las caricaturas da ‘Mix & Remix’ èn vegnidas publitgadas en diversas gasettas e meds da la Svizra franzosa. Dentant fin ch’el ha pudì viver da ses art, ha el lavurà tranter il 1991 ed il 2001 sco guardian da la tur e proclamatur da las uras da la catedrala da Losanna.

RR novitads 18:00