La directura d'educaziun Silvia Steiner ha fatg ina denunzia penala ed instradà in'inquisiziun administrativa. Sco la controlla da finanzas dal chantun Turitg ha constatà han duas scolas da linguas survegnì contribuziuns pauschalas memia autas - u contribuziuns insumma betg giustifitgadas. I vegn supponì administraziun malfidaivla d'in uffizi.
Las duas instituziuns ECAP ed ENAIP hajan tranter auter survegnì daners betg debitads. La controlla da finanzas dal chantun Turitg aveva intercurì il rendaquint da las subvenziuns per curs da tudestg dals onns 2013 e 2014. La finanziaziun dals curs pertutgads da l'onn 2015 è sistida ad interim.
RR novitads 12:00