Svizra
-
Il Cussegl federal desista da reveder la Lex Koller
Quai saja la consequenza ord la consultaziun communitgescha il Departament federal da giustia.
Autur:
SDA / Selina Chistell
Il Cussegl federal ha vulì engrevgiar cun ses sboz la cumpra da sulom en Svizra a persunas da l'exteriur. La maioritad da las organisaziuns interessadas, partidas e chantuns refusan dentant las midadas proponidas. Vitiers na vesan ellas il mument nagin basegn d'agir. Il Cussegl federal desistia perquai sin ina revisiun da la Lex Koller ch'è en vigur dapi il 1985.
Tge è la Lex Koller?
La Lex Koller è numnada suenter l’anteriur Cusseglier federal Arnold Koller. La lescha vala dapi il 1985 e restrenscha la cumpra da sulom per persunas che vivan a l’exteriur. Naginas restricziuns datti per giaschom da mastergn e societads d’immobiglias.
RR novitads 12:00
