Legenda:
La cussegliera naziunala grischuna Silva Semadeni vul savair dal Cussegl federal co las linguas minoritaras pon vegnir promovidas er en futur.
mad
cuntegn
Svizra - Il Cussegl federal duai examinar effect da l'artitgel da linguas
Bun 20 onns suenter che l'artitgel da linguas è vegni introduci duai uss il Cussegl federal examinar l'effect. Quai pretenda la cussegliera naziunala grischuna Silva Semadeni en in postulat per mauns dal Cussegl federal.
L'effect da l'artitgel da linguas en la Constituziun duai uss vegnir examinà dal Cussegl federal. Quai pretenda la cussegliera naziunala da la PS Silva Semadeni cun in postulat. In rapport duai mussar l'effect per propi da la promoziun da las linguas minoritaras en spezial dal rumantsch ma er dal talian. Vinavant vul Semadeni ch'il Cussegl federal preschentia propostas co meglierar ils instruments da promoziun.
