Legenda:
Er mammas senza lavur duain profitar da las correcturas tar ils supplements da famiglia. (maletg da simbol)
Keystone
cuntegn
Svizra - Il Cussegl federal vul midadas tar ils supplements da famiglia
El ha tramess ina revisiun da la lescha en consultaziun. Da nov duain era mammas senza lavur che survegnan in'indemnisaziun da maternitad pudair retrair supplements da famiglia.
Plinavant duai dar supplements da scolaziun betg pir cura che l'uffant survegn 16 onns mabain gia cura che l'uffant cumenza per exempel ina scolaziun. Igl uffant sto dentant avair almain 15 onns. Tals supplements èn in zic pli auts, scriva il Cussegl federal. Cun questas correcturas vuless el megliurar tscherts puncts en chaussa supplements da famiglia.
Il Cussegl federal quinta cun custs supplementars da 16 milliuns francs. En tut impunda la Confederaziun per supplements da famiglia mintg'onn radund 5,8 milliardas francs.
