Il Cussegl naziunal evitescha in preventiv bloccà

Il Cussegl naziunal ha tuttina anc approvà il preventiv per il 2017, en la segunda emprova. Auter che la PS ha la PPS midà si’opiniun ed è per la gronda part s’abstegnida da la vusch.

Vista dal Cussegl naziunal Bild in Lightbox öffnen.

Legenda da maletgs: Tar il preventiv 2017 hai dà dapli abstenziuns che geas en il Cussegl naziunal. Keystone

L’allianza da la sanestra e da la dretga ch’aveva refusà il preventiv l’emna passada, n’è anc adina betg stada cuntenta cun il sboz dal preventiv. Deliberar en in temp senza recessiun in preventiv cun in deficit da 254 milliuns francs als inquieteschia, ha ditg Thomas Aeschi da la PPS dal chantun Zug.

La PPS ha vinavant pretendì da scursanir dapli tar l’agid al svilup, tar la furmaziun e tar il persunal da la Confederaziun. La finala ha la Partida populara tuttina traguttà la pirla amara e per gronda part s’abstegnì da la vusch. Sulettamain set commembers da la fracziun han vuschà na.

Il Cussegl naziunal ha la finala approvà il preventiv 2017 cun 81 cunter 52 vuschs, e 65 abstenziuns. Betg dà suenter ha l’entira fracziun dals Socialdemocrats ed ina part dals Verds. Els n’han betg vulì acceptar in preventiv ch’è ord lur vista in program da scursanir da la dretga.

RR novitads 11:00