Siglir tar il cuntegn

Header

cuntegn

Svizra Il cussegl naziunal vul retrair la dumonda d'adesiun a l'UE

La chombra gronda ha acceptà ina moziun dal cusseglier naziunal da la PPS Son Gagl, Lukas Reimann per retrair la dumonda inoltrada dal cussegl federal l'onn1992.

Cusseglier federal Didier Burkhalter ha rendì attent che la dumonda d’adesiun saja senza muntada, suenter ch'il suveran aveva ditg il 1992 na al spazi economic europeic. La dumonda d'adesiuns n'influenzeschia insumma betg las contractivas cun l'UE. La moziun na saja betg necessaria, uschia Burkhalter vinavant. Ma tut ils arguments dal cusseglier federal cunter la moziun n'han betg pudì persvader ils parlamentaris.

Svizra vegn tractada sco la Russia

La Svizra na figurescha er betg sin la glista uffiziala cun ils candidats d’adesiun. Ella vegn tractada sco stadi vischin independent e suveran, sco p. ex. la Russia u la Norvegia. La moziun va uss vinavant al cussegl dals chantuns.

RR novitads 12:00

Artitgels legids il pli savens