Siglir tar il cuntegn

Header

cuntegn

Svizra Il Cussegl naziunal vul scumandar burkas

En Svizra duai vegnir scumandà da pudair sa velar cumplettamain. Cun 88 cunter 87 vuschs, tar 10 abstenziuns, ha il Cussegl naziunal approvà in'iniziativa parlamentara che pretenda il scumond da sa velar en il spazi public.

audio
Saira: Scumond da burca
ord Actualitad dals 27.09.2016.
laschar ir. Durada: 1 minuta 25 Secundas.

La cumissiun dal Cussegl naziunal aveva proponì da refusar l'iniziativa per il scumond da sa velar. Il scumond valess betg mo per la burka mabain era per autras furmas da sa velar. Il Cussegl dals chantuns sto dentant er anc decider en chaussa.

Bunas schanzas a l'urna

Sin terren naziunal è pil mument sin viadi l'iniziativa per «gie, al scumond da sa velar». Il comitee ch'è vid rimnar las suttascripziuns ha anc peda da rimnar las 100'000 suttascripziuns nezzessarias enfin ils 15 da settember 2017.

Las schanzas per questa iniziativa en bunas. Sche questa iniziaziva vegniss oz davant il pievel, schessen 60% dals votants «gie». Quai ha era in questiunari che la «Schweiz am Sonntag» ha fatg da curt mussà.

Il tema procura sur tut sin livel chantunal, gia dapi in temp per discussiuns. En il Tessin è ina tala lescha gia activa dapi l'emprim da fanadur. Pervi da questa lescha na pon ins betg pl purtar vels che zuppan l'entir corp ni la fatscha en leus publics.

RR novitads 14:00

Artitgels legids il pli savens