Il di tar «Ils auters» da la SSR SRG
Oz èn nossas correspundentas Bettina Secchi (RSI), Laura Keller e Donata Vallino (RTS) e Romana Costa (SRF) giasts tar RTR e rapportan da quai che muventa e fatschenta noss vischins en Svizra sco era da lur mintgadi ed experientschas a Lugano, Genevra e Turitg.
In di in zic auter per las correspundentas da RTR en las differentas regiuns linguisticas svizras. Turnar tar las ragischs grischunas e dar pled e fatg ad RTR a Cuira. Era persunalmain in'experientscha nova, damai ch'ellas na s'inscuntran uschiglò betg.
Cler: Mintgina è en sia regiun ed ans rapporta mintga sonda a las 12:06 en il Radio Rumantsch da quai che ha muventà, fatschentà ed occupà vischinas e vischins en Svizra tudestga, franzosa e taliana.
-
Bild 1 von 10. Da sanester: Bettina Secchi-Fluor (RSI), Romana Costa (SRF), Donata Vallino e Laura Keller (RTS). Bildquelle: RTR, R. Spescha.
-
Bild 2 von 10. Far radio a Cuira tar RTR fa para plaschair ;-). Bildquelle: RTR, R. Spescha.
-
Bild 3 von 10. Laura Keller (san.) e Donata Vallino, las correspundentas RTR a Genevra. Bildquelle: RTR, R. Spescha.
-
Bild 4 von 10. Durant il vial da la bunura ha la moderatura Georgina Janki fatg las dumondas a las corrspundentas da "ils auters". Bildquelle: RTR, R. Spescha.
-
Bild 5 von 10. Era ils collegas dal Telesguard han filmà al di dals auters. Bildquelle: RTR, R. Spescha.
-
Bild 6 von 10. Far radio munta era lavurar cun l'entir corp, sco Laura Keller. Bildquelle: RTR, R. Spescha.
-
Bild 7 von 10. ...e lura spetgar sin ch'i vegnia dumandà. Bildquelle: RTR, R. Spescha.
-
Bild 8 von 10. Suenter il vial da l'actualitad ha Ivo Orlik surpiglià il timun da l'emissiun. Bildquelle: RTR, R. Spescha.
-
Bild 9 von 10. Ed il facit che las correspundentas han fatg cun il moderatur Livio Foffa, pudais tadlar pli a bass en quest artitgel. Bildquelle: RTR, R. Spescha.
-
Bild 10 von 10. Da sanester: Laura Keller e Donata Vallino (RTS), Bettina Secchi-Fluor (RSI) e Romana Costa (SRF). Bildquelle: RTR, R. Spescha.
Nus sco auters tar la SSR
Il «Di dals auters» datti era tar ils auters. Là rapportan Toni Poltera tar SRF, David Spinnler tar RTS, Rafael Müller e Chasper Pult tar RSI davart il Grischun, las Rumantschas ed ils Rumantschs. Era els lavuran lavuran tar las autras unitads d'interpresa.