Cun 15 cunter 9 vuschs è la cumissiun SiK entrada en il project, hai num en ina communicaziun dals Servetschs dal parlament. Ella veglia realisar a moda pragmatica la directiva da l’UE davart las armas per che las tradiziuns da tir svizras possian vegnir mantegnidas.
Revisiun betg necessaria
Per ina maioritad da la cumissiun n’èsi betg necessari da reveder la lescha davart las armas. Tenor ella nun han reglas pli severas naginas consequenzas sin il cumbat cunter il terrorissem.
En in proxim pass discuta la cumissiun las singulas disposiziuns da la revisiun. Sco pajais dal spazi Schengen, sto la Svizra resguardar il dretg d’armas da l’UE. Ella sto realisar las disposiziuns ch’èn pli severas dapi las attatgas terroristicas da Paris dal november dal 2015 fin ils 31 da matg dal 2019.
RR novitads 18:00