Siglir tar il cuntegn
Inhalt

Svizra Il dumber da pendularis da l’exteriur lascha suenter

Uschè flaivel sco dapi blers onns betg pli, è creschì il dumber dals pendularis che vegnan sur il cunfin a lavurar en Svizra. En il Tessin ed en la Svizra nordvest-orientala han ins perfin dumbrà damain cunfinaris.

Plirs autos sin ina via.
Legenda: Ils blers cunfinaris en la regiun da Genevra procuran era per vias stuppadas. Keystone

La fin da quest zercladur lavuravan passa 317’000 cunfinaris en Svizra. Quai èn 0,4% dapli ch’il segund quartal dal 2017, sco l’Uffizi federal per statistica scriva. In pli pitschen augment avevi dà la davosa giada en l’emprim quartal dal 1999, cun in plus da 0,2%.

Genevra vinavant il hotspot

En la regiun dal Lai da Genevra che dumbra ils pli blers cunfinaris, hai anc dà in plus da 2% il segund quartal dal 2018. En cifras eran quai 119’000 cunfinaris. En il Tessin percunter è il dumber sa reducì per 2,9% la fin dal zercladur. 63’500 frontalieri han ins dumbrà là, bunamain 1’900 pli pauc ch’avant in onn.

RR novitads 14:00