Siglir tar il cuntegn
Inhalt

Svizra Il favugn porta temperaturas fitg miaivlas per la stagiun

Il favugn porta ferms vents e temperaturas da primavaira en las valladas da las Alps. En il sid procura el perencuter per fermas plievgias.

Nivels spess sur las muntognas.
Legenda: Il favugn ha purtà temperaturas da primavaira da fin 20 grads. Keystone

Il favugn ha vinavant enta pugn las valladas da las Alps svizras. Questa damaun ha il vent chaud dal sid procurà per temperaturas enturn 20 grads. Sco che MeteoSvizra rapporta èn en blers lieus vegnidas mesiradas spertadads da vent tranter 100 fin 120 kilometers l'ura.

Il pli ferm vent sin il Jungfraujoch

Sin il Jungfraujoch èn schizunt vegnids mesirads vents da fin 163 kilomters l'ura. Tras quai è il traffic sin tschertas lingias da tren e pendicularas è vegnì interrut.

I resta favugnus

La fasa da favugn cuntinuescha era ils proxims dis. I resta burascus. Plinavant sto il sid quintar cun fermas plievgias. Inundaziuns n’èn betg exclusas.

RR novitads 11:00