Siglir tar il cuntegn

Svizra Il ferm vent ha purtà naiv en Svizra

Blera naiv hai cunzunt dà en l'autezza. Là è crudà passa in meter naiv.

Ina persunga che va a spass cun il chaun en la naiv.
Legenda: Naiv aveva quai gia dà la fin d'emna vargada. Ussa èn las cuvertas dentant pli grossas. Keystone

Quels che abiteschan en las Alps dal Nord èn per part sa dasdads cun ina cuverta da naiv da 30 enfin 50 centimeters naiv davant porta.

Fitg hai cunzunt navì en l'autezza. Uschia han ins mesirà sin la staziun Gandegg a Zermatt 162 cm naiv. 101 da quels èn crudads la notg vargada. En la Bassa hai dentant strusch navì. En general hai mo dà naiv davent d'autezzas da 1000 meters sur mar. En tschertas regiuns gia a partir da 600 meters sur mar.

Varga in meter naiv sin il Säntis

Annunzià la naiv aveva in ferm stemprà d'atun. Il suffel il pli ferm è vegnì mesirà sin il Pilatus cun 143 km per ura. Quests ferms vents han er gì in'influenza sin la quantitad da naiv ch'è crudada. En lieus exponids fermamain al vent è la cuverta pli grossa. Uschia ha SRF Meteo mesirà 106 cm naiv sin ina staziun sin il Säntis, ch'è exponida fermamain al vent . Sin in'autra staziun sin il Säntis, ch'è main exponida, èsi dentant vegnì mesirà mo 73 cm.

RR novitads 10:00