Siglir tar il cuntegn
Inhalt

Svizra Il festival da film da Locarno survegn ina directura

Lili Hinstin è la nova directura dal festival da film da Locarno. La Franzosa da 41 onns succeda a Carlo Chatrian, che surpiglia suenter sis onns a Locarno il festival da film da Berlin «Berlinale».

Lili HInstin.
Legenda: Il 1. da december cumenza Lili Hinstin sia lavur per il festival da film da Locarno. Keystone

Il cussegl d'administraziun dal festival da Locarno ha elegì unanimamain Lili Hinstin. Ella surpiglia la fin da quest onn la direcziun. Ella veglia dar tut per sviluppar enavant il festival da la libertad e da las scuvertas, vegn Lili Hinstin citada en la communicaziun dal festival.

Dapi onns ina vita plain film

Lili Hinstin è stada dapi il 2013 manadra artistica dal «Entrevues Belfort – Festival International du Film». Avant avev’ella lavurà per il Cinéma du Réel a Paris, e dal 2005 fin il 2009 è ella stada responsabla per las activitads cineastas da l'Academia franzosa a Roma.

RR novitads 15:00