Siglir tar il cuntegn

Header

Ina chascha da segirtad en ina banca cun en bancnotas da milli.
Legenda: La Banca naziunala svizra ha fatg in gudogn da 24,5 milliardas francs l'onn 2016. Keystone
cuntegn

Svizra Il Grischun survegn 27,3 milliuns da la BNS

Da las 24,5 milliardas gudogn survegnan chantuns e Confederaziun 1,7 milliardas. Il chantun Grischun survegn da quai 27,3 milliuns.

Suenter in schlet onn 2015, cun ina perdita da 23,3 milliardas francs ha la Banca naziunala svizra uss puspè scrit cifras nairas. Ella fa in gudogn da 24,5 milliardas francs. La Confederaziun ed ils chantuns survegnan uss dapli che spetgà.

Empè da la milliarda che Confederaziun e chantuns survegnan normalmain, datti questa giada ina contribuziun supplementara da 700 milliuns per il maun public. En tut èn quai 1,7 milliardas francs.

Distribuziun da la Banca naziunala svizra

Legenda:
Distribuziun dal gudogn da la Banca naziunala svizra Banca naziunala svizra

Gudogn grazia a las investiziuns en devisas

La gronda part dal gudogn ha la banca realisà grazia a las investiziuns ch'ella ha fatg en devisas. 19,4 milliardas gudogn resultan sulet or da quest sectur. 3,9 milliardas gudogn derivan dal pretsch d'aur ch'è creschì per 11%.

Il gudogn da bilantscha munta a 21,7 milliardas. Quai pussibilitescha in pajament da dividendas da 15 francs per aczia.

RR novitads 09:00

Artitgels legids il pli savens