Siglir tar il cuntegn
Inhalt

Svizra Il «Läufelfingerli» po cursar vinavant

Da spargnar tar il tren «Läufelfingerli», han refusà la dumengia bunamain dus terzs dals votants e da las votantas da Basilea-Champagna.

In tren curt en ina cuntrada da collinas
Legenda: Il «Läufelfingerli» sin ses viadi tranter Sissach ed Olten. SRF

L’idea da la regenza era da remplazzar la S9 tranter Sissach ed Olten cun bus en il rom dal mandat da prestaziun per il traffic public, ed uschia spargnar daners. Var 65% dal suveran dal chantun Basilea-Champagna han dentant ditg na a questa proposta.

Mo quatter vischnancas èn suandadas a la proposta da la regenza. E la vischnanca da Rümlingen ch’ha ina staziun dal tren ha decidì bunamain unanim. Sulet in votant ha ditg gea a la proposta da la regenza, vuschs cunter hai dà là 168.

Gia avant 11 onns aveva la regenza da Basilea-Champagna dumandà il Cussegl grond, da metter ord funcziun il «Läufel-fingerli». Dentant senza success.

RR novitads 21:00