Per ils animals da rapina en il chantun Vallais na sa mida dentant nagut. La regulaziun da quels animals è numnadamain responsabladad da la Confederaziun.
Ils iniziants vulan cun questa iniziativa trametter in signal a Berna e cuntanscher ina midada tar las reglas da sajettar animals da rapina. Ils adversaris han numnà l'iniziativa absurda, cunquai ch'il chantun n'haja naginas cumpetenzas per la regulaziun. Il titel da l'iniziativa «Per in chantun Vallais senza animals da rapina gronds» mainia sin via pulaina, el fetschia numnadamain l'impressiun ch'ils animals da rapina en il chantun vegnian extirpads.