En il Grischun eran il settember in zic dapli persunas senza lavur che anc l'avust. Cun prest 1500 dischoccupads è la quota da dischoccupaziun creschida per 0,1 sin 1,4%, quai communitgescha l'uffizi chantunal per industria, mastergn e lavur. Quai en cumpergliaziun cun l'avust in augment da 70 persunas senza lavur.
Il dumber dals dischoccupads è però creschì per radund 1200 persunas sin passa 138'000 persunas senza lavur. La gronda part da las persunas è en ina vegliadetgna tranter 25 e 49 onns, qua è il dumber da dischoccupads creschì per radund 900 persunas. Tar las persunas sur 50 onns è il dumber da dischoccupads creschì per radund 300 persunas. In lev augment da persunas dischoccupads ha ì dà tar la giuventegna tranter 15 e 24 onns, qua è il dumber creschì per sulet 59 persunas, scriva il SECO.
En cumpergliaziun cun il settember avant in onn è il dumber da dischoccupads creschì per radund 8'300 persunas. Il settember 2014 èra la quota da dischoccupads tar 3%.
RR novitads 08:00