Siglir tar il cuntegn

Svizra Il niz da l'internet s'augmenta cunzunt tar ils pli vegls

L’emprim quartal dal 2017 han 90 % da las persunas creschidas en Svizra nizzegià l’internet. Trais onns avant eran quai anc 84%, sco cifras publitgadas da l’Uffizi federal da statistica mussan.

In det sin in visur da telefonin
Legenda: Era grazia als telefonins s’augmenta il diever da l’internet cuntinuadamain. Keystone

Da las persunas da 15 fin 54 onns èn praticamain tuttas activas en l’internet, la cumpart è tranter 96 e 99%. In ferm augment hai dà tar persunas tranter 55 e 64 onns, da 80% avant trais onns sin 91%. Ed anc pli marcant è la midada tenor l’uffizi da statistica l’augment tar las persunas da 65 fin 74 onns. Ozendi fan var trais quarts en l’internet, avant trais onns eran quai anc 62%.

Pli plaun ch'il niz da l'internet, sa sviluppescha dentant la cumpetenza d'informatica dals nizzegiaders e da las nizzegiadras, sco l’Uffizi federal da statistica scriva.

RR novitads 11:00