Tenor la Swiss garanteschian novs sezs, WLAN a bord ed ina nova concepziun da l'interiur per sgols cumadaivels en tuttas classas. L’investiziun saja in livel nov per la Swiss. Ed er economicamain saja la «Boeing triple-seven» rentabla. Ella haja plaz per dapli passagiers e dovria er damain kerosin. Er sgolia la maschina 16 km/h pli spert che aviuns cumparegliabels, scriva la Swiss. La Boeing 777 po sgular per 1200 kilometers pli lunsch ch'ils aviuns da fin qua.
6 aviuns dal tip Boeing 777 vegnan a sgular en futur per la Swiss
La Swiss ha cumprà en tut 6 aviuns da quest tip. A partir dal 2019 vegnan alura anc 3 ulteriurs aviuns dal medem tip a prender si il servetsch. Els remplazzan ils aviuns dal tip Airbus A340. En acziun vegnan ils aviuns primar sin las rutas en direcziun da Hongkong, Bangkok, Los Angeles, San Francisco, Sao Paulo e Tel Aviv.
RR novitads 10:00