La Societad svizra dals impressaris constructurs communitgescha ch'il contract vertent vegnia prolungà enfin la fin dal 2018. Ils impressaris ed ils sindicats sajan tranter auter sa cunvegnids, suenter lungas tractativas, da garantir la pensiun cun 60. Ils sindicats avevan gia approvà il contract mez december.
Contract gentil
Il contract da lavur collectiv (CCL) per l'industria da construcziun saja in dals pli gentils CCL's per mastergnants en Svizra. El cumpiglia prestaziuns sco per exempel ina paja minimala da 5'500 francs per miradurs scolads e constructurs da vias sco er ina paja minimala da 4'500 francs per lavurants senza scolaziun professiunala.
RR novitads 18:00