Il Cussegl naziunal renviescha l'iniziativa populara davart l’economia verda, quai cun 129 cunter 61 vuschs. El suonda uschia al Cussegl dals chantuns ch'era gia pli baud s'exprimì encunter quella. L'iniziativa dals Verds pretenda che la Confederaziun defineschia finamiras e prendia mesiras per sbassar il diever da resursas e d'energia.
Sche l'iniziativa vegnia acceptada mainia quai ad ina grevezza supplementara per l'economia, ha argumentà la maioritad dal Cussegl naziunal. Medemamain è el da l'avis ch'interpresas svizras sa deportian gia oz exemplaric areguard la protecziun da l'ambient.
RR novitads 14:00