Siglir tar il cuntegn

Header

cuntegn

Svizra Il pingpong cun la refurma da rentas

Resumà curt e simpel – las duas chombras, il Cussegl naziunal ed il Cussegl dals chantuns na vegnan simplamain betg perina en la dumonda da las rentas.

audio
Mezdi: Debatta AVS na peglia nagina fin
ord Actualitad dals 07.03.2017.
laschar ir. Durada: 3 minutas 10 Secundas.

En sasez vai per 70 francs!

En la refurma duai vegnir spargnà. E quai che vegn spargnà duai dentant vegnir cumpensà en in auter lieu. E precis quai e il punct dispitaivel: Co duai vegnir cumpensà. Il Cussegl dals chantuns vul augmentar l'AVS. Els vulan pajar a mintgina ed a mintgin 70 francs dapli al mais. Ma il Cussegl naziunal ha decis l'emna passada cunter quest augment da 70 francs.

Il Cussegl naziunal vul cumpensar tut èn la segund pitga e betg maschadar l’AVS e la cassa da pensiun. Era duajan ins pajar dapli èn la cassa da pensiun - tut tenor età. Persuenter duai vegnir stritgà la giunta da coordinaziun.

Sa cunvegnids

Dus puncts impurtants èn clers:

  • quant che duai vegnir pajà or da la cassa da pensiun mintga mais. Il mument è quai 6,8% da la summa totala da la cassa da pensiun il mais. En avegnir duain quai anc esser 6%.
  • La vegliadetgna da pensiun per las dunnas duai vegnir augmentada sin 65 onns.

Co vinavant?

La refurma da las rentas saja in dals pli impurtants projects dapli blers onns. I fiss ina catastrofa sch'il parlament na chattass betg ina schliaziun enfin a la fin da la sessiun da primavaira. Però l’impurtanza da la refurma saja conscienta als parlamentaris, ed els sappian che i na pon simplamain laschar ir la refurma da l’aua giu...

Probabel vegn alura la conferenza d'intermediaziun a decider.

RR actualitad 12:00

Artitgels legids il pli savens