Siglir tar il cuntegn

Header

cuntegn

Svizra Il pli fraid schaner dapi 30 onns

Dapi diesch dis restan las temperaturas per gronda part sut nulla quai scriva SRF Meteo. Surtut en la Bassa èn las temperaturas fraidas ed era ils runals da skis marschan fitg bain.

Las temperaturas en media per il schaner en la Bassa èn il mument tar -3 grads. Quai per trais grads pli bass che la media, scriva SRF Meteo. Uschia èn sa furmadas tocs da glatsch sin il Lai da Constanza.

Midada dal clima ha ina muntada

L'aura sa mida actualmain mo plaun en Svizra. Tenor SRF Meteo haja quai da far cun la midada dal clima. En l'Arctica manchia da bler glatsch damai ch'i saja là pli chaud ch’ils onns passads. Quai haja consequenzas sin il Jetstream, che sparta las massas da l’aria chauda cun las massas d’aria fraida. Uss saja quai sistem flaivlentà e sa movia era pli plaun, scriva SRF Meteo.

RR novitads 14:00

Artitgels legids il pli savens