Svizra - Il pli grond quità per ils Svizzers è guerra
Suenter la guerra suonda pir sin il 5avel plaz dals pli gronds fastidis la tema da l’immigraziun. La retschertga represchentativa ha l’Institut Link fatg sin il portal d’internet da bluewin.ch. I dat dentant grondas differenzas regiunalas.
Cunzunt en la Svizra tudestga ha mintga segunda persuna inditgà la guerra sco pli grond quità. En la Svizra franzosa e taliana è la guerra per mintga terz il grond quità.
Persuenter fatschentan las persunas en Svizra franzosa cunzunt la dischoccupaziun, suandada dal stress e da la hectica. Gest il stress è il grond quità en la svizra taliana, seguì da la criminalitad e da la dischoccupaziun.
