Siglir tar il cuntegn

Header

cuntegn

Svizra Il president da la confederaziun ha avert il Parc d'innovaziun

En ses pled d’avertura ha Johann Schneider-Ammann accentuà l'impurtanza da l'innovaziun per la Svizra. Quai saja la clav per il success da la Svizra ha ditg Schneider-Ammann en il center Paul Klee.

audio
Saira: Sur 10 onns han ins preparà il Parc d’innovaziun Svizra
ord Actualitad dals 18.01.2016.
laschar ir. Durada: 3 minutas 32 Secundas.

Il Parc d'innovaziun è organisà en ina rait e repartì sin tschintg lieus en Svizra. Uschia datti in center a Dübendorf el chantun Turitg, ad Allschwil el chantun Basilea champagna, a Villigen el chantun Argovia sco er a Losanna ed a Bienna. En quests lieus duain interpresas etablidas far investiziuns en la perscrutaziun ed il svilup per promover l’innovaziun.

Las preparativas han durà 10 onns

Il num uffizial dal Parc d’innovaziun è «Switzerland Innovation». Sco Schneider-Ammann ha ditg na sajan ins betg stà ils pli svelts per realisar in tal parc d’innovaziun, ma quai ch’ins haja fatg saja serius e bain preparà. Tut ils detagls na sajan dentant anc betg reglads.

In term impurtant per l’economia e la scienza

Il Parc d’innovaziun è in term impurtant per l’economia, la scienza e la politica ha ditg il president da la fundaziun «Switzerland Innovation» il nov cusseglier dals chantuns dal chantun Turitg Ruedi Noser. Per Noser è l’economia svizra da tala dinamica ch’in tal parc d’innovaziun pudessi attrair interpresas innovativas e vargar il «Sillicon Valley» en California, perquai ch’il parc d’innovaziun en Svizra sa drizzia a pliras branschas.

Realisà vegn il parc dals chantuns da domicil, da l’economia privata e da las scolas autas cumpigliadas. La Confederaziun sustegn il project cun in credit da basa e cun il terren da construcziun ch’è vegni surdà en dretg da construcziun.

RR novitads 10:00

Artitgels legids il pli savens